YeneTube

የቴሌግራም ቻናል አርማ yenetube — YeneTube
ርዕሶች ከሰርጥ:
Marakischolarshipcenter
Artland
Event
Gaming
Chewatacon
Shegerhive
Chewata
Addisababaethiopia
Yenetube
Ahunapp
All tags
የሰርጥ አድራሻ: @yenetube
ምድቦች: ፖለቲካ
ቋንቋ: አማርኛ
ተመዝጋቢዎች: 133.88K
የሰርጥ መግለጫ

መረጃዎችን ለመላክ @Fikerassefa

Ratings & Reviews

3.50

2 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

0

2 stars

1

1 stars

0


የቅርብ ጊዜ መልዕክቶች

2023-02-03 22:30:06
ብፁዕ አቡነ ያሬድ ታሠሩ!

ብፁዕ አቡነ ያሬድ የአርሲ ሀገረ ስብከት ሊቀ ጳጳስ ዛሬ ምሽት 3:45 አሰላ ከተማ ደብረ ምጽላል ቅድስት ማርያም ቤተ ክርስቲያን ከሚገኘው መንበረ ጵጵስናቸው ተወስደው መታሠራቸው ተገለጸ። ብፁዕነታቸው በዛሬው ዕለት ማምሻውን ከአዲስ አበባ ወደ ሀገረ ስብከታቸው መድረሳቸውን ተዋህዶ ሚዲያ ማዕከል ዘግበዋል።

@Yenetube @Fikerassefa
6.4K views19:30
ክፈት / አስተያየት ይስጡ
2023-02-03 19:20:42
ጠ/ሚኒስትር ዐቢይ አሕመድ ከህወሓት አመራሮች ጋር ተገናኙ!

የፌዴራል መንግሥት እና የህወሓት የሰላም ስምምነት ኮሚቴ አባላት ጠቅላይ ሚኒስትር ዐቢይ አሕመድ በተገኙበት ለመጀመሪያ ጊዜ በሐላላ ኬላ ተገናኝተዋል።

ጠቅላይ ሚኒስትር ዐቢይ አሕመድ ለመጀመያ ጊዜ ከሰላም ስምምነት ትግበራ አስተባባሪ ኮሚቴ ጋር ምክክር ማድረጋቸው ተገልጿል።

በውይይታቸው እስካሁን በሰላም ስምምነቱ አፈፃፀም ዙሪያ የተከናወኑ ተግባራት የተገመገሙ ሲሆን በቀጣይ ትኩረት በሚያስፈልጋቸው ጉዳዮች ላይ አቅጣጫ መቀመጡም ተነግሯል።

የሰላም ስምምነት ኮሚቴ አስተባባሪዎች ለጠቅላይ ሚኒስትር ዐቢይ አሕመድ የመጀመሪያውን የገፅ ለገፅ ግንኙነት ያደረጉት የገበታ ለአገር ፕሮጀክት አካል በሆነው ሐላላ ኬላ ነው።

@YeneTube @FikerAssefa
12.2K viewsedited  16:20
ክፈት / አስተያየት ይስጡ
2023-02-03 18:39:39
ጋዜጠኛ መዓዛ መሀመድ፤ ጋዜጠኛ ጎበዜ ሲሳይ እና ደራሲ አሳዬ ደርቤ በነፃ እንዲሰናበቱ የፌደራል ከፍተኛ ፍርድ ቤት ልደታ ምድብ አንደኛ የሕገ መንግስት እና ፀረ ሽብር ችሎት ውሳኔ ሰጠ።

ደራሲና ጋዜጠኞቹ በሕዝብ ተወካዮች ምክር ቤት አሸባሪ ተብሎ የተፈረጀውን ሕዝባዊ ወያኔ ሓርነት ትግራይ (ሕወሓት) የሚደግፍ ንግግሮች በማኅበራዊ መገናኛ አውታሮች እና በበይነ መረብ አስተላልፋችኋል በሚል ተከሰው ነበር።

በተጨማሪም የአገር ደህንነት ሚስጥር የሆኑ እና መነገር የሌለባቸውን መረጃዎች ለሚዲያ እና ለሕወሓት አሳልፋችሁ ሰጥታችዋል ተብለውም ተከሰው እንደነበር ጠበቃቸው አዲሱ ጌታቸው ተናግረዋል።

ችሎቱ ዛሬ ተቀጥሮ የነበረው ይከላከሉ ወይስ በነፃ ይሰናበቱ በሚል ውሳኔ ለመስጠት ነበር። በዚ መሰረት አቃቤ ህግ እንደ ክስ አቀራረቡ ያላስረዳ ስለሆነ ሶስቱም ተከሳሾች መከላከል ሳያስፈልጋቸው በነጻ ተሰናብተዋል።

[DW]
@YeneTube @FikerAssefa
12.0K views15:39
ክፈት / አስተያየት ይስጡ
2023-02-03 18:30:57 የትራንስፖርት እና ሎጂስቲክ ሚኒስቴር ከ3 ሺሕ 1 መቶ በላይ ተሽከርካሪዎችን በጊዜያዊነት ከነዳጅ ድጎማው ማገዱን አስታወቀ!

የድጎማ ስርዓቱ ከሚፈቅደው አሠራር ውጭ በሆነ መንገድ የተንቀሳቀሱ ከ3 ሺሕ 1 መቶ በላይ ተሽከርካሪዎች በጊዜያዊነት ከነዳጅ ድጎማው መታገዳቸውን የትራንስፖርት እና ሎጂስቲክ ሚኒስቴር አስታወቀ።ሚኒስቴሩ የድጎማ ስርዓቱ ከሚፈቅደው አሠራር ውጭ በሆነ መንገድ ለመጠቀም የተተመነላቸውን የትራንስፖርት ታሪፍ የማያከብሩ፣ የስምሪት መስመራቸውን በአግባቡ የማይሸፍኑ እንዲሁም ከስምሪት ውጪ በመሆን በኮንትራት ሥራ ላይ በመሰማራት ተገቢውን አገልግሎት ለሕብረተሰቡ በማይሰጡ አሽከርካሪዎች ላይ አስተዳደራዊና ሕጋዊ እርምጃ እየተወሰደ እንደሚገኝ ገልጿል።

በዚህም ከሚመለከታቸው ክልሎችና ከተማ አስተዳደሮች ተሽከርካሪዎችን ከድጎማ ተጠቃሚነት ምዝገባ እንዲታገዱ በደረሱ ሪፖርቶች መሰረት፤ 3 ሺሕ 1መቶ 40 ተሽከርካሪዎች ከአዲስ አበባ፣ ኦሮሚያ፣ አማራ፣ ድሬደዋ፣ ጋምቤላ፣ ደቡብ ብ/ብ እና ህዝቦች፣ ቤኒሻንጉል ጉሙዝ እና ፌደራል ደረጃ በቀረቡ ሪፖርቶች እንዲታገዱ መደረጉን ሚኒስቴሩ አስታውቋል፡፡በድጎማ ስርዓቱ መሰረት የሚጠበቅባቸውን አሟልተው ሲገኙና ተገቢው የሕግ እርምጃ እንደተወሰደባቸው ሲረጋገጥ ዳግም ወደ ድጎማ ተጠቃሚነት እንዲመለሱ በማድረግ አገልግሎት እየሰጡ እንደሚገኝም ተገልጿል፡፡

በክልሎች እና ከተማ አስተዳደሮች የሚካሄዱ የነዳጅ ድጎማ ቁጥጥር ሥራዎችን ለመደገፍ ከብሔራዊ ነዳጅ ድጎማ (NFS) ማስተግበሪያ ስርዓት እና ቴሌ ብር መተግበሪያ ጋር የተሳሰረ የ6006 አጭር መልዕክት ቁጥር  ወደ አገልግሎት ማስገባት መቻሉን የገለጸው ሚኒስቴሩ፤ እስካሁን ከሁሉም ክልሎችና ከተማ አስተዳደሮች 2 ሺሕ 2 መቶ የሚደርሱ የቁጥጥር ባለሙያዎችና የትራፊክ ፖሊስ ስልክ ቁጥሮች አገልግሎት እንዲያገኙ መመዝገባቸውን አስታውቋል።

የህዝብ ትራንፖርት ተጠቃሚው ሕብረተሰብ የድጎማ ተጠቃሚ ተሸከርካሪዎች በወጣላቸው ታሪፍ መሰረት  አገልግሎት የማይጡ አካላት ሲያጋጥሙት ጥቆማ የሚያቀርብበት አጭር መልዕክት መቀቢያ ስርዓት ተግባራዊ ለማድረግ እየተሰራ እንደሚገኝም ተነግሯል፡፡

የነዳጅ ድጎማ ተጠቃሚ እንዲሆኑ በብሔራዊ ድጎማ ማስተግበሪያ ስርዓት ላይ እስከ ጥር 24 ቀን 2015 ድረስ የተመዘገቡ የተሽከርካሪዎች ቁጥር 1 መቶ 95 ሺሕ 73 ሲሆን፤ ከጠቅላላ ተሽከርካሪዎች ውስጥ 1 መቶ 23 ሺሕ1 መቶ 71 የሚሆኑ ተሽከርካሪዎች ነዳጅ በድጎማ  እያገኙ ያሉ ተሽከርካሪዎች ናቸው።መንግስት የነዳጅ ዋጋ ድጎማን በሂደት በማስቀረት ወደ ቀደመው የዋጋ ማረጋጊያ ፈንድ አስተዳደር ሥርዓት ለመመለስ የሚያስችል የዋጋ ማስተካከያ እና የታለመ ነዳጅ ድጎማ ሥርዓት እንዲተገበር በወሰነው መሰረት ከሀምሌ ወር 2014 ጀምሮ የብሔራዊ የታለመለት ነዳጅ ድጎማ ተግባራዊ መደረጉ ይታወሳል፡፡

@YeneTube @FikerAssefa
10.5K views15:30
ክፈት / አስተያየት ይስጡ
2023-02-03 15:22:12
የቆመው የህዳሴ ግድብ ድርድር አፅዕኖት እንዲሰጠው ግብፅ ለፈረንሳይ መንግስት አስታወቀች!

የግብፅ ከፍተኛ ባለስልጣናት በታላቁ የህዳሴ ግድብ ዙሪያ ከፈረንሳይ ባለስልጣናት ጋር ውይይት እንዳደረጉ የተገለፀ ሲሆን በግድቡ ዙሪያ ለጊዜው ቆሞ ላለው ድርድር ግብፅ ኢትዮጵያን ተጠያቂ በማድረግ ወቅሳለች።

ግብፃውያኑ ባለስልጣናት የግድቡ ጉዳይ የግብፃውያን የህልውና ጥያቄ ስለሆነ ቅድሚያ ሊሰጠው ይገባል ሲሉ አፅዕኖት ሰጥተውታል ተብሏል።የባለስልጣናቱ ውይይት በአፍሪካ የውሃ ሃብት አጠቃቀም፣ በህዳሴው ግድብ ላይ ግብፅ ባላት አቋም እና ለጊዜው በቆመው ድርድር ላይ ትኩረት እንዳደረገ ታውቋል።

[Addis Zeybe]
@YeneTube @FikerAssefa
11.8K views12:22
ክፈት / አስተያየት ይስጡ
2023-02-03 12:53:43 በጾመ ነነዌ ጥቁር ልብስ ብቻ በመልበስ ጸሎታችሁን አድርሱ ስትል የኦርቶዶክስ ተዋሕዶ ቤተክርስቲያን ጥሪ አቀረበች!

የፊታችን ሰኞ በሚገባዉ እና ለሶስት ቀናት በሚቆየዉ የነነዌ ጾም ምዕመኑ ጥቁር ልብስ በመልበስ ምህላ እንዲይዝ ቅዱስ ሲኖዶስ ጥሪ አቅርቧል።ቅዱስ ሲኖዶስ በመግለጫዉ ፤ጥቁር ልብስ የምንለብሰው በመከራ መጽናት ለመግለጽ ነው ፤ ከእውቀት በላይ የሆነውን አምላካችንን በመማፀን ፈተናዉ ከዚህም ማንም ሊያናውጽን እንደማይችል የምናረጋግጥበት ነዉ ብሏል።

በተጨማሪም ጥቁር የእውነት ምልከት ነው ያለዉ መግለጫው ፤ ዳኞች እውነት እንፈርዳለን ሲሉ ጥቁር ልብስ ይለብሳሉ ፤ እኛም መከራው የሚያሰቅቀን ሳይሆን ይበልጥ ልንጸናና ልንበረታ የሚገባ መሆኑን ለዓለም ሕዝብ የምናሳይበት በመሆኑ ከጥር 29 እስከ የካቲት 1 ቀን 2015 ዓ.ም ለሦስት ቀናት በጾምና በጸሎት በአንድ ልብ በመሆን ወደ ፈጣሪያችንን እንድትጮሁ ሲል በመግለጫው ጥሪ ማቅረቡን ብስራት ራዲዮ ተመልክቷል።

ቅድስት ቤተ ክርስቲያኗ በተከሰተው ሃይማኖታዊ ፣ ቀኖናዊና አስተዳደራዊ መዋቅሮቿን በመጣስ መፈንቅለ ሲኖዶስ በማድረግ በሕገወጥ መንገድ ኤጲስ ቆጶስነት ሢመት በሰጡትና በተሾመ ግለሰቦች ላይ የቅዱስ ሲኖዶስ ምልዓተ ጉባኤ ጥር 18 ቀን 2015ዓ.ም. ቃለ ውግዘት ማስተላለፉ ይታወሳል።

ይሁን እንጂ እነዚህ ሕገወጥ ያለቻቸዉ ቡድኖች ከድርጊታቸው ሊታቀቡ ካለመቻላቸውም በላይ በመንግሥት ኃይሎች በመታገዝ የኢትዮጵያ ኦርቶዶክስ ተዋሕዶ ቤተ ክርስቲያን የምታስተዳድራቸውን መንበረ ጵጵስናዎችንና ቢሮዎችን በኃይል በመውረርና በመስበር ከፍተኛ ጥፋት እያደረጉ ከመሆኑም በላይ የአህጉረ ስብከት ሥራ አስኪያጆችን ሠራተኞች ካህናትና ምእመናን በማሰርና በማንገላታት ላይ ይገኛል ብሏል መግለጫው፡፡

መንግሥትም ሕግ ከማስከበር ይልቅ ለሕገ ወጥ ቡድኖች ድጋፍ በመስጠት የቤተ ክርስቲያኒቱን ሕግና መብት ሊያስከብር አልቻለም ያለዉ ሲኖዶሱ ፤ ሁሉን ማድረግ ወደሚቻለው አምላካችን በመማፀን ጸሎትና ምሕላ ማድረጉ አስፈላጊ መሆኑን ቅዱስ ሲኖዶስ ተረድቷል ብሏል።በመሆነም ጾመ ነነዌን ምክንያት በማድረግ በመላው ዓለም የሚገኙ ሕዝበ ክርስቲያን ጥቁር ልብስ ብቻ በመልበስ በጾምና በጸሎት ምሕላ በመያዝ በቤተ ክርስቲያን ዓውደ ምሕረት በመገኘት ወደ እግዚአብሔር ጾም፤ ጸሎትና ምሕላ እንዲያቀርቡ ቅዱስ ሲኖዶስ ጥሪውን አስተላልፏል፡፡

[Bisrat FM]
@YeneTube @FikerAssefa
13.5K views09:53
ክፈት / አስተያየት ይስጡ
2023-02-03 11:26:44
የኢትዮጵያ አየር መንገድ የፍቅረኞች ቀንን ምክንያት በማድረግ አበባ በስፋት ወደተለያዩ የዓለም ሀገራት እያጓጓዘ ማሆኑን አስታወቀ፡፡

አየር መንገዱ ለበዓሉ የሚሆን አበባን ከኢኳዶር፣ ኮሎምቢያ፣ ሚያሚ፣ ናይሮቢ እና አዲስ አበባ ወደተለያዩ መዳረሻዎች እያጓጓዘ መሆኑን በማህበራዊ ትስስር ገጹ አስታውቋል፡፡

የፍቅረኞች ቀን በዓለም አቀፍ ደረጃ በየዓመቱ የካቲት 7 የሚከበር ሲሆን ቀኑን ምክኒያት በማድረግ የአበባ ሽያጭ በከፍተኛ ደረጃ የሚደራበት ወቅት መሆኑ ይታወቃል፡፡

@YeneTube @FikerAssefa
12.7K views08:26
ክፈት / አስተያየት ይስጡ
2023-02-03 11:03:19 በለሚ ኩራ ክፍለ ከተማ የፍርድ ቤት ውሳኔን የሻረ ሕጋዊ ይዞታን የመንጠቅ ተግባር እየተከናወነ ነው!

በአዲስ አበባ ከተማ አስተዳደር ለሚ ኩራ ክፍል ከተማ ወረዳ ኹለት አያት መንደር 18 አካባቢ ነዋሪዎች፣ ሕጋዊ ይዞታ የሆነውን የጋራ መናፈሻ፣ የክፍለ ከተማው ባለሥልጣናት ቦታውን በግለሰብ ሥም አዙረው ለመሸጥ የፍርድ ቤት ውሳኔ መጣሳቸው ተገለጸ፡፡እስከ 600 የሚደርሱ አባዎራዎች ሕጋዊ ይዞታ የሆነውና ከ15 ዓመት በላይ የለማውን መናፈሻ፣ የክፍለ ከተማው ባለሥልጣናት ያለ ፍርድ ቤት ትዕዛዝ በትራክተር ማፍረሳቸውን ተከትሎ፣ ባለይዞታዎች ጉዳዩን ወደ ፍርድ ቤት ወስደውት ነበር፡፡

በካርታ የተረጋገጠ ሕጋዊ የይዞታ ማረጋገጫ ያላቸው ነዋሪዎቹ፣ ጉዳዩን ወደ ፍርድ ቤት ወስደው ማሸነፋቸውንም፣ የባለይዞታዎቹ የልማት ኮሚቴ አመራሮች ለአዲስ ማለዳ ተናግረዋል፡፡አዲስ ማለዳ ያነጋገረቻቸው የልማት ኮሚቴ አመራሮቹ የምጣኔ ሀብት ምሁሩ አለማየሁ ገዳ (ፕ/ር)፣ በላይ ገብረ ሚካኤል (ዶ/ር)፣ ገበየሁ ተሰማ፣ ይልቃል መለስና ዘውዱ ገብር ማሪያም፤ ከፍርድ ቤቱ ውሳኔ በኋላ ቦታውን መልሶን ለማልማት ከወረዳው ኃላፊዎች ጋር ስምምነት ማድረጋቸውን ጠቁመዋል፡፡ ይሁን እንጂ “ቦታውን ለጊዜው በአጣና ስናጥር፣ በፍርድ ቤት የተረታው ግለሰብ “ድርዬ ሰብስቦ” ዳግመኛ አስፈርሶብናል።“ ሲሉ ባለይዞታዎቹ ገልጸዋል፡፡

አዲስ ማለዳ የፍርድ ቤቱን ውሳኔ የተመከተች ሲሆን፣ በጉዳዩ ላይ ብይን የሰጠው የፌደራል የመጀመሪያ ደረጃ ፍርድ ቤት የካ ምድብ 5ኛ የፍትሐብሔር ችሎት በ14/07/2014 በዋለው ችሎት፣ ለባለይዞታው ከሳ ወይም ምትክ ሳይሰጥ ከሕግ አግባብ ውጪ በተከሳሽ የተወሰደው ቦታ ለባለይታዎቹ እንዲመለስ ወስኗል፡፡

ባላይዞታዎቹ በፍርድ ቤቱ ውሳኔ መሰረት፣ ቀድሞ የፈረሰውን ቦታቸውን መልሰው ለማልማት ጥረት እያደረጉ ባሉበት በዚህ ወቅት፣ ከክፍለ ከተማ ባለሥልጣናት ጋር ተመሳጥሮ ቦታውን ያስፈረሰው ግለሰብ ዳግም ወጣቶችን ሰብስቦ የቦታውን አጥር ማስፈረሱን የቦታው የልማት ኮሚቴ አባላት ተናግረዋል፡፡

ቀደም ሲል ግለሰቡ ከክፍለ ከተማው ባለሥልጣናት ጋር በመመሳጠር በክፍለ ከተማው ትብብር አፍርሶታል የተባለው የለማ ቦታ፣ በፍርድ ቤት ውሳኔ ከተሰጠበት በኋላ ዳግም ያስፈረሰው፣ ከጀርባው ያሉ የመንግሥት ባለሥልጣናትን ተገን አድርጎ መሆኑም ተጠቁሟል፡፡

በፍርድ ቤት የተረታው ግለሰብ ሕገ ወጥ ድርጊት፣ ከክፍለ ከተማው ባለሥልጣናት ጋር በመመሳጠር ቦታውን በሥሙ አዙሮ የመሸጥና ከባለሥልጣኖቹ ጋር ለመካፈል ያለመ መሆኑን ባለይዞታዎችነ ባደረጉት ማጣራት መረዳታቸውን ተናግረዋል፡፡ ይህንኑ ብልሹ አሰራር ለማስፈጸም መሬቱ ይገባኛል ብሎ ለቀረበው ግለሰብ፣ ካርታ ባለው ቦታ ላይ ከለሚ ኩራ ክፍለ ከተማ ካርታ ተስርቶ እንደተሰጠው ተስምቷል፡፡

ይሁን እንጂ ቦታው ቀደም ሲል በየካ ክፍለ ከተማ ሥር በነበረበት ወቅት፣ ለነዋሪዎቹ ሕጋዊ የባለቤትነት ማረጋገጫ ካርታ የተሰጠበት መሆኑን አዲስ ማለዳ ነዋሪዎቹ ካቀረቡላት ሰነድ ተመልክታለች፡፡

ይህንኑ የባለቤትነት ካርታ ሕጋዊነት የሚያረጋግጥ የፍርድ ውሳኔ የተሰጠበት ሲሆን፣ ፍርድ ቤቱ በሰጠው ውሳኔ ተከሳሹ ነዋሪዎቹ ያለሙትን 10 ሺሕ ሜትር ካሬ የሚገመተውን ቦታ አፍርሶ ማጠሩ ከሕግ አግባብ ውጪ በመሆኑ፣ አጥሩን አፍርሶ ለባለይዞታዎቹ እንዳስረክብ እና የደረሰባቸውን ኪሳራና ወጪ እንዲከፍል ወስኗል፡፡

የቦታው ባለቤቶች ለአዲስ ማለዳ እንደገለጹ፣ ሕጋዊ የባለቤትነት ካርታ አውጥተው ያለሙት ቦታ የክፍለ ከተማው ባለሥልጣናት በግለሰብ ሥም ቦታውን ቀምተው ለሪል ስቴት አልሚ ለመሸጥ በማሰብ መሆኑ ተነግሯል፡፡ለሚ ኩራ ክፍለ ከተማ በከፍተኛ የሙስና ብልሹ አሰራር በተደጋጋሚ ሥሙ መነሳቱ የሚታወስ ነው፡፡ በዚሁ ችግር ከመሬታ ጋር የተገናኙ አገልግሎቶችን እስከማቋረጥ የደረሰ ችግር አጋጥሞ ነበር፡፡

Via Addis Maleda
@YeneTube @FikerAssefa
12.0K views08:03
ክፈት / አስተያየት ይስጡ
2023-02-03 11:02:56
9.7K views08:02
ክፈት / አስተያየት ይስጡ
2023-02-03 10:52:01
የአሜሪካ የእንደራሲዎች ምክር ቤት ትውልደ ሱማሊያዊቷን ኢልሃን ኦማርን በጠባብ ድምጽ ብልጫ ከውጭ ጉዳይ ኮሚቴ አባልነታቸው አንስቷል። ሪፐብሊካን ፓርቲ አብላጫ መቀመጫ የያዘበት ምክር ቤት፣ የሚኖሶታ ግዛት ተወካይዋን ኦማርን ከወሳኙ ኮሚቴ ያነሳቸው፣ ቅድም ሲል "እስራኤል ጠል" የሆኑ መልዕክቶችን አስተላልፈዋል በማለት ነው። የኦማር ፓርቲ የዲሞክራቲክ ፓርቲው አባላት ግን፣ የኦማርን ከኮሚቴው መነሳት በሙሉ ድምጽ ተቃውመውታል። ኦማር ውሳኔው፣ ሪፐብሊካን ፓርቲው በፖለቲካ ተቀናቃኞቹ ላይ የወሰደው የበቀል ርምጃ ነው በማለት ውሳኔውን አውግዘውታል።

@YeneTube @FikerAssefa
9.6K views07:52
ክፈት / አስተያየት ይስጡ