Natnael Mekonnen

የጎጃም ኮማንድፖስት ባደረገው ክትትል የአፈር ማዳበሪያ በወቅቱ እያገኙ መሆኑን የአዊ ብሄረሰብ አስተዳደር አርሶ አደሮች ተናገሩ።

ኮሩ በተሰማራበት ዞን ስር የሚገኙ ቲሊሊ ፣ እንጂባራ ፣ አዲስ ቅዳም ፣ ዳንግላ እና ሌሎች ወረዳዎች ስርጭቱ በተገቢው መንገድ እየተከናወነ ይገኛል፡፡

አርሶ አደሮቹ በሰጡት አስተያየት ፣ የዘንድሮ የአፈር ማዳበሪያ ግብዓት ስርጭት አምና ከነበረው አንፃር ስንመለከት ዋጋው ተመጣጣኝ ሲሆን ወቅቱን ጠብቆ በመምጣቱ ለስራችን ምቹ ሆኔታን ይፈጥራል ብለዋል፡፡

ሰራዊቱ ተገቢውን ክትትልና ቁጥጥር እያደረገልን ሁሉም አርሶ አደር ድርሻውን በአግባቡ እየወሰደ ይገኛል ያሉት አርሶ አደሮቹ ፣ የጥፋት ቡድኑ የማዳበሪያ ግብዓቱን እንዳንወስድ በርካታ የሀሰት ወሬዎችን ቢነዛም አልተቀበልነውም ብለዋል፡፡

ከመንግስት ገንዘብ ከፍላችሁ አትውሰዱ እኛ በነፃ እንመጣለን ፣ በቅርቡ የማዳበሪያ ፋብሪካ እንገነባለን እያለ የበሬ ወለደ ወሬዎችን ቢያናፍስም አርሶ አደሩ ሀሰት መሆኑን ተገንዝቦ የቀረበለትን ማዳበሪያ ተገቢውን ክፍያ ለመንግስት በመክፈል እየወሰደ እንደሚገኝ አረጋገጠዋል ፡፡

የኮሩ ምክትል አዛዥ ኮሎኔል መንገሻ ሞላ ፣ የአፈር ማዳበሪያ ስርጭቱ ለአርሶ አደሩ አማካኝ በሆኑ ቦታዎች ላይ እንዲከማች በማድረግ እየተሰራጨ እንደሚገኝ እና ሰራዊቱ ግብዓቱን አጅቦ በማምጣት የእደላ ስራውን በቅርበትና በትኩረት እየተከታተለ እንደሚገኝ አስረድተዋል፡፡

ሰራዊቱ ከሁሉም የሀገራችን ክፍሎች የተወጣጣ የህዝብ ልጅ በመሆኑ ማንኛውም ፈተና ሳይበግረው ለህዝባችን ሰላምና ልማት ያለ ምንም ቅድመ ሁኔታ ግዳጁ የሚጠይቀውን ሁሉ ዋጋ በመክፈል የህዝባችንን ሰላምና ልማት የማረጋገጥ ስራውን አጠናክሮ እንደሚቀጥል የኮሩ ምክትል አዛዥ ኮሎሬል መንገሻ ሞላ አረጋግጠዋል፡፡
             

የአማራ ክልል ክፍተኛ አመራሮች የልዑካን ቡድን በሰሜን አሜሪካ በኒውዮርክ ከተማ ከኢትዮጵያዊያንና ትውልደ ኢትዮጵያዊያን ጋር ውይይትና ምክክር አደረገ።

በአማራ ክልል ብልጽግና ፓርቲ ቅርንጫፍ ጽሕፈት ቤት ኃላፊ ይርጋ ሲሳይ የሚመራው የልዑክ ቡድን ኒውዮርክ ከተማ የሥራ ጉብኝት ቀጥሎ በተባበሩት መንግሥታት ድርጅት የኢትዮጵያ ሚሲዮን ጽሕፈት ቤት አምባሳደሮች፣ ዲፕሎማቶች፣ ኢትዮጵታዊያን እና ትውልደ ኢትዮጵያዊያን ተወካዮች ጋር በሀገራዊና ክልላዊ ወቅታዊ ጉዳዮች ዙሪያ ውይይት አድርጓል።

የልዑክ ቡድኑ በሀገር ደረጃ እና ክልላዊ የልውጥ ጉዞ፣ ያጋጠሙ ችግሮች እና የመፍትሔ መንገዶች ላይ ውይይት ያደረገ ሲሆን በውይይቱም ክልሉን ወደ ተሟላ ሰላም ለማምጣት መንግሥት እያደረገ ስላለው ጥረትና የሕግ የበላይነትን ለማስከበር እየተደረገ ስላለው ጥረት ውይይት ተደርጓል። ዘላቂ ሰላም ለማምጣት የኢትዮጵያዊያንና ትውልደ ኢትዮጵያዊያን ሚና በተመለከተ ውይይት ተደርጓል።

በውጭ የሚኖሩ ኢትዮጵያዊያን እና ትውልደ ኢትዮጵያዊያን ለክልሉ እና ለሀገራቸው ሰላም በጎ አስተዋፅኦ እንዲያበረክቱ በሥራ እድል ፈጠራ እና ኢንቨስትመንት ላይ እንዲሰማሩ ያሉ አማራጮችን በልዑክ ቡድኑ ማብራሪያ ተሰጥቷል።

የውይይቱ ተሳታፊዎች ስለክልሉ የሰላም ሁኔታ፣ የልማት ሥራዎችና ድህነት ቅነሳ፣ ከተለያዩ አካባቢዎች የተፈናቀሉ የአማራ ተወላጆች ወደ አካባቢያቸው እንዲመለሱ የማድረግ ሥራን፣ የሀገራዊ አካታች የምክክር መድረክ ላይ የአማራ ክልል ንቁ ተሳትፎ ለማድረግ እየተከናወነ ያለውን ሥራ እና ለሥራ እድል ፈጠራ ያለውን ምቹ ሁኔታ በተመለከተ ጥያቄዎችን አንስተዋል።

የልዑክ ቡድኑ አባላት በክልሉ ዘላቂ ሰላም እንዲመጣ የሕግ ማስከበር ሥራው ያለበት ደረጃና ለሰላም እየተደረገ ያለውን ጥረት፣ የተጀማመሩ የልማት ሥራዎችን በተመለከተ፣ ተፈናቃዮችን ለመመለስ የተጀመረውን ሥራ እና እየገጠመ ያለውን ፈተና፣ የምክክር መደረኩን የሕዝባችንን ጥያቄዎች ለማስመለስ እየተሠራ ያለውን ሥራና ያለውን ተስፋ ለማስፋት ከግጭት አባባሽ ተግባራት ሁሉም ርቆ ወደ ተሟላና ክልሉን ተጠቃሚ በሚያደርጉ ተግባራት ዙሪያ ለተሳታፊዎች አሥረድተዋል።

የልዑክ ቡድኑ የሥራ ጉዞ እንደቀጠለ ነው።